শব্দৰ প্ৰহেলিকা

 

(১)
সভ্যতাৰ বজাৰত নিলাম হয় জীৱন,
দেখিও আমি কণা,
শুনিও আমি কলা।
মাথো ক'ব নোৱাৰা একোটা বোবা !

            (২)
উন্মাদ লাচিতৰ তাণ্ডৱ নৃত্য,
খহি যোৱা অসমৰ নগ্ন চৰিত্ৰ !
"জাতীয়তাবাদ"- এটা সুবিধাবাদী বৈশিষ্ট্য।

            (৩)
শব্দৰ কোলাহল।
কোন বাটে যায় শব্দবোৰ?
হেৰাই যায় কবিতাৰ মাজত,
জীৱন নামৰ এটি অশ্লীল কবিতা।

            (৪)
মনৰ আক্ৰোশ শব্দৰ বিলাপ,
শব্দবিন্যাস মকৰাজালত জীৱনৰ প্ৰলাপ।

            (৫)
আৱাশী মনত প্ৰৱাসী চিন্তা,
দ্ৰুত বেগেৰে দৌৰে সপোনৰ ঘোঁৰা।
হাবিয়াস বাস্তৱৰ,
অসম্ভৱ নহয় সপোনৰ ঘোঁৰা।

            (৬)
আনৰ মাজত নিজক বিচাৰি,
অনিচ্ছয়তাৰ মাজত খাওঁ হাবাথুৰি।
আত্মপ্ৰেমত মগ্ন জীৱন,
নিত্য নতুন ৰূপত জীৱন।

ණৰূপজ্যোতি

Picture courtesy: Pallavi Dhekial Phukan

এটা অসম্পূৰ্ণ গদ্য

লিখিব খুজিও লিখিব পৰা নাই, কলমেৰে নিগৰা নাই মনৰ কথাবোৰ। বিশৃংখল হৈ পৰিছো, নিজৰ মাজতে নিজক বিচাৰিছো। সৌৱা চোৱা হতাশাবোৰে খেদি আহিছে....মই দৌৰিছো মাথো দৌৰিছো.... বন্ধ কোঠাৰ শূণ্যতাবোৰে ৰুকি ৰুকি সোমাই গৈছে মনৰ ভিতৰলৈ। শূণ্যতাবোৰে কিৰীলি পাৰি হাঁহিছে মোৰ ফালে চাই !

এতিয়া মোৰ মনৰ কথা এটা অসম্পূৰ্ণ গদ্য। যান্ত্ৰিক জীৱনে কোঙা কৰি পেলাইছে, কোনেও নুবুজা এটা জীৱনৰ গৰাকী মই, আতৰি আহিছো অনুক্ৰমে নিজৰ পৰা সকলোৰে পৰা। হত্যাৰ বিফল চেষ্টা নিজক, যদিও পৰা নাই! অসুস্থ মই, মানুহৰ মাজতো অকলশৰীয়া মই। এটা অসম্পূৰ্ণ গদ্য মই, কোনেও বুজি নোপোৱা!
ৰংবোৰ হেৰাই গৈছে মনৰ শূণ্যতাত, কলমৰ শব্দবোৰ হেৰাইছে হতাশাত।

মানুহৰ মাজতে সীমাবদ্ধ থাকিও অকলশৰীয়া, ধ্বংসৰ গৰাহত জীৱনৰ গতি। ক্ৰমান্বয়ে স্তিমিত জীৱন লক্ষ্যঃ । অসহায় মই, অসহনীয় হৈ পৰিছে জীৱন। বাৰে বাৰে চিঞৰে নিসংতাবোৰে, শব্দহীন অট্টহাস্য কৰে মোৰ ফালে চাই ! দুৰ্বিসহ এই সময় আৰু এটা নষ্ট জীৱনৰ গৰাকী মই। অপেক্ষা কৰিছোঁ সহায়ৰ...এটা অসম্পূৰ্ণ গদ্য সম্পূৰ্ণ কৰিবলৈ...।

ණৰূপজ্যোতি

আত্মমন্থন

কেতিয়াবা কিছুমান সম্পৰ্ক তেনেকৈয়ে হৈ যায়। সেই সম্পৰ্ক বোৰ শুদ্ধ নে ভুল তাৰ বিচাৰ কৰিবলৈ দিব মন নাযায়। হয়তো সমাজৰ বাবে নিকৃষ্ট সম্পৰ্ক কিন্তু এটা পবিত্ৰ আৰু সত্য সম্পৰ্ক। মই বুজি নাপাওঁ কিয় তেনে হয় ? কিয় ভাল লাগে তেওঁক ?
হয় মই ভুল কৰা নাই কিন্তু কিয় বাৰে বাৰে আত্মগ্লানিত দগ্ধ। এটা সুখী যেন লগা জীৱনত মোৰ বিসাদবোৰ দেখা নোপোৱা মনৰ মানুহজন। সঁচাকৈয়ে মনৰ মানুহজন নে ?.....

উহহহ.....! তীব্র জোকাৰণিত যেন ফাটি যাব মোৰ মস্তিস্ক। ভুল শুদ্ধ বিচাৰ কৰি ভাগৰি পৰিছো। যদি এটা সমাজৰ চকুত ভুল বুলি কোৱা সম্পৰ্কই মোক দিব পাৰে সুখী জীৱন তেন্তে তেনে সম্পৰ্ক স্বাগতম তোমাক। হয়টো সেয়া মোৰ বাবে guilty pleasure । মোৰ সদা ব্যস্ত জীৱনত তুমি শিকালা নতুনকৈ নিজক চাব, কিয়নো মাইনা হোৱাৰ পিচত পাহৰিছিলো যে 'মই' নামৰ এটা সত্বা আছে মোৰ আৰু মোৰ মানুহজনৰ মাজত। মাইনা, চাকৰি আৰু ঘৰুৱা সমস্যাৰ আদিৰ মাজত হেৰাই গৈছিল 'মই' নামৰ মানুহজনী।
সেইদিনা আবেলি যে তুমি কৈছিলা,"মই হেৰাই পেলাইছো নিজস্বতা"। সঁচাই জানানে এতিয়া মই এজনী মাক, এজনী পতিব্ৰতা পত্নী, এজনী ভাল বোৱাৰী কিন্তু মোৰ নিজস্বতা ক'ত ?, হয় দিয়া তুমি কোৱা কথাবোৰে মোৰ মুখত দি গৈছিল চিন্তাক্লান্ততাৰ আৱেশ। আবেলিৰ অস্তগামিত সূৰুজৰ ৰশ্মিয়ে উজ্জল ৰঙেৰে উদ্ভাসিত কৰিছিল আমাক, মোৰ দুটি ওঁঠত তুমি উস্ম চুম্বনৰে জগাইছিলা অবুজ শিহৰণ।

তুমি কোৱা কথাবোৰে বাৰুকৈয়ে চুই গৈছিল মোক। কেনেকৈ ইমান বুজি পোৱা তুমি মোক ? হয়তো তুমি নামৰ সত্বাৰ প্ৰেমত পৰিছো মই, কিন্তু তোমাক পোৱাৰ বাবে প্ৰেমত পৰা নাই! বিচৰা নাই তোমাৰ কেঁচা যৌৱনৰ উত্তাপ কিম্বা সহানুভূতিৰ আৱেশ। মই মাথোঁ ভালপাওঁ তোমাৰ কথাবোৰ, তোমাক ভালপোৱা বাবেই বিচাৰি পাইছো মই নিজক। বিয়াৰ পিচত হেৰাই যোৱা মোক তুমি উভতাই আনিলা। এতিয়া মই ভালপাওঁ মোক, নতুনকৈ চাব বিচাৰিছো সম্পৰ্কবোৰক। এতিয়া মোৰ পৰিয়ালত মই এটা অস্তিত্ব। কিন্তু মই এতিয়াও ভালপাওঁ তোমাক, নাজানোঁ কি নাম দিম আমাৰ সম্পৰ্কটোক! নুজোখো মই তাক সমাজৰ তুলাচনীৰে, নকওঁ আমাৰ সম্পৰ্কক অস্পৃশ্য বুলি।

এতিয়াও তুমি আৰু মই আকৌ আগৰদৰে সপোন খেদিম, মায়ানগৰীত জীৱনৰ মায়া বিচাৰিম ! আকৌ আহিবা ঢৌৱে উটুৱা সেই ঘাটলৈ, উন্মাদ সাগৰৰ পাৰত শুখী মইজনী চাবলৈ...আকৌ মোৰ জীৱনত নতুনকৈ প্ৰাণ ঢালিবলৈ...! তোমাৰ অনামিকা ৰৈ থাকিব তোমালৈ......

ණৰূপজ্যোতি

বি.দ্ৰ.: প্ৰেমৰ কোনো সংজ্ঞা নাই কোনো ধৰ্ম কিম্বা ভেদাভেদ,  Love Is Love.

মুক্ত কলম

   

মুক্ত হাতত তুমি বান্ধিব খোজাঁ লোৰ শিকলি,

মুক্ত কণ্ঠ নেলু চেপি ৰোধ কৰিব খোজোঁ তুমি !

তুমি কাঢ়ি লোৱা মোৰ পৰা মোৰেই শিক্ষাভূমি।

তোমাৰ বন্দুকৰ গুলীৰ চিনাকী মোৰ শৰীৰৰ,

তোমাৰ হাতত লাঠীয়ে গণতন্ত্ৰৰ ফালে  চাই কৰে অট্টহাস্য !

তুমি ভয়াতুৰ,

তুমি ভয় কৰা হেৰুৱাব তুমি সজা গণতন্ত্ৰ(?)

ভয় কৰা জ্ঞানৰ অগ্নিত যাহ যাব ,

তুমি হ'ব খোজাঁ অজ্ঞানী প্ৰজাৰ দাম্ভিক ৰজা।

হয়তো তুমি পাহৰি গৈছা

আমি যে নযুঁজৰ ৰণুৱা।

তুমি জলাই দিয়া জ্ঞানৰ অগ্নিকুণ্ডত জ্বলি জ্বলি সোণ হ'ম আমি,

আমাৰ সোণোৱালী পোহৰেৰে উদ্ভাসিত কৰিম মাতৃভূমি !

ණৰূপজ্যোতি

বি.দ্ৰ.: ভাৰতৰ বিশ্ববিদ্যালয় সমূহত চৰকাৰী  বাহিনীৰ আক্ৰমণ চিন্তাৰ বিষয়। শেহতীয়াকৈ JNU ত(জৱাহৰলাল নেহৰু বিশ্ববিদ্যালয়) অসাধুচক্ৰৰ আক্ৰমণ আৰু চৰকাৰীপক্ষৰ মৌনতা ভাৰত গণতন্ত্ৰৰ(?) বাবে চিন্তাৰ কাৰক। গুৰুত্বপূৰ্ণ কথা শিক্ষিত মানুহে প্ৰতিবাদ কৰে আৰু অশিক্ষিত মানুহে মৌন হৈ ৰয়।

Picture courtesy: https://www.theguardian.com/

 Picture courtesy: https://www.theweek.in/

                      

Happy New Year 2020 🎉

ৰং জীৱনৰ, ৰং কলা-বগা।
তাৰ মাজত সময় হেৰায় যোৱা, জীৱন তৃষ্ণা মৰুভুমিৰ মৰিচিকা, আৰু এয়া সময় মৰিচিকা খেদি ফুৰা !

So now it's the end of 2019, a great year for me, collected lots of experiences, made new friends, and connection. Thank God and everyone for enjoying such a great year with me. Ending of a great era of my life 2010-19 

Welcome to a new era with lots of hope and dreams. And now cheers for 2020, with the blessings of god let's start this year with some new thoughts and hopes 



Welcome to the new age of 2020 
May God bless you all 
        Rupjyoti Talukdar

Happy New Year 2020  

আমাৰ প্ৰতিবাদ

আমাৰ প্ৰতিবাদ বোৰ....
কি পালে প্ৰতিবাদ কৰি ?
জুয়ে পুৰি নিয়া ক্ৰূৰ অতীত !
পাহৰি পেলালে কিজানি সময়ৰ গতিত !
আপোনাৰ প্ৰতিবাদবোৰ যে নিমিত্ত,
আপোনাৰ জাতিপ্ৰেম স্বাৰ্থনিগ্ধ।
নিজক এবাৰ সোধক কাৰ বাবে এই প্ৰতিবাদ ?
আপুনিও হয়টো প্ৰতিবাদ কৰিছে কিবা পোৱাৰ আশাত !
আপোনাৰ মনত আছেনে জুয়ে পুৰা ৮৩,
হয়তোবা আপুনি পাহৰিলে কিজানি !
আমাৰ নেতা আজি শাসনতন্ত্ৰৰ অভিনেতা,
শ্বহীদৰ তেজ বেচি আজিও আমাক ভুলোৱা।
সোধক সেই বুকু সুদাহোৱা মাতৃক,
নাইবা ঘৰ জলি ছাই হোৱা পিতৃক,
তেওঁলোকে আপোনাক কব প্ৰতিবাদৰ আচল সংজ্ঞা।
আপোনাৰ জাতীয় সত্বাক আনে কৰে উপলুঙা।
আপুনি পাহৰি পেলাই জাতীয়তা পালে সুবিধা।
আপোনাৰ অধিকাৰ নাই প্ৰতিবাদ কৰা !
কিয়নো আপুনি স্বাৰ্থলোভী প্ৰতিবাদী,
আপুনিও হ'ব খোজে অভিনেতা দি কেচাঁ তেজৰ বলি.....!

ණৰূপজ্যোতি

বি.দ্ৰ.: গণন্ত্ৰত ভোটাধিকাৰে হ'ল জন-গণৰ হাতত থকা প্ৰতিবাদী অস্ত্ৰ, আৰু সেই অস্ত্ৰৰ অসমৰবাসীয়ে ভুল ব্যৱহাৰৰ কৰিলে ২০১৯ৰ লোকসভা আৰু পঞ্চায়ত নিৰ্বাচিত। শাসকীয় চৰকাৰৰ মূখ্য দলটোৱে নিজৰ নিৰ্বাচনী প্ৰচাৰপত্ৰত সেই দলটো জিকিলে "নাগৰিকত্ব সংশোধনী বিধেয়ক-২০১৯"(CAB-2019) বলবধ কৰিব বুলি কোৱাৰ পিছতো অসমীয়াই সেই দলটোক সংখ্যাগৰিষ্ঠ কৰি আকৌ শাসনভাৰ দিছিল, এতিয়া চৰকাৰে CAB-2019 প্ৰবৰ্তন কৰিবলৈ যোজনা কৰাত আমি যি প্ৰতিবাদ কৰিছো সেই প্ৰতিবাদ কৰাৰ যোগ্যতায়ে আমাৰ নাই। আজি আমি চিঞঁৰিছো অসম বন্ধ দিছো কাইলৈ আকৌ নতুন কিবা এটালৈ ব্যস্তহৈ পৰিছো, আমাৰ প্ৰতিবাদবোৰ তেনেকুৱাই। আচলতে অসমীয়া এটা মেৰুদণ্ডহীন জাতি। আমাৰ জাতীয়সত্বা ধানখেৰৰ জুইৰ লেখীয়া, সচাঁকৈয়ে আমি কিজানি ভাৰতৰ(?) আতাইতকৈ দুখীয়া আৰু স্বাভিমানহীন জাতি !
সময় এতিয়াও পাৰ হোৱা নাই, এইবাৰ ব্যক্তিগত স্বাৰ্থ ত্যাগ কৰি একত্ৰিত অসমীয়াজাতি হৈ CAB-2019 ৰ প্ৰতিবাদ কৰিব পাৰিবনে আপুনি ?

First Picture courtesy: NorthEastIndia24.com

 Picture courtesy: Hindustan times

Picture courtesy: Scroll.in