শব্দৰ প্ৰহেলিকা

 

(১)
সভ্যতাৰ বজাৰত নিলাম হয় জীৱন,
দেখিও আমি কণা,
শুনিও আমি কলা।
মাথো ক'ব নোৱাৰা একোটা বোবা !

            (২)
উন্মাদ লাচিতৰ তাণ্ডৱ নৃত্য,
খহি যোৱা অসমৰ নগ্ন চৰিত্ৰ !
"জাতীয়তাবাদ"- এটা সুবিধাবাদী বৈশিষ্ট্য।

            (৩)
শব্দৰ কোলাহল।
কোন বাটে যায় শব্দবোৰ?
হেৰাই যায় কবিতাৰ মাজত,
জীৱন নামৰ এটি অশ্লীল কবিতা।

            (৪)
মনৰ আক্ৰোশ শব্দৰ বিলাপ,
শব্দবিন্যাস মকৰাজালত জীৱনৰ প্ৰলাপ।

            (৫)
আৱাশী মনত প্ৰৱাসী চিন্তা,
দ্ৰুত বেগেৰে দৌৰে সপোনৰ ঘোঁৰা।
হাবিয়াস বাস্তৱৰ,
অসম্ভৱ নহয় সপোনৰ ঘোঁৰা।

            (৬)
আনৰ মাজত নিজক বিচাৰি,
অনিচ্ছয়তাৰ মাজত খাওঁ হাবাথুৰি।
আত্মপ্ৰেমত মগ্ন জীৱন,
নিত্য নতুন ৰূপত জীৱন।

ණৰূপজ্যোতি

Picture courtesy: Pallavi Dhekial Phukan